雪櫃有燈著但唔制冷？
上凍下唔凍、下凍上唔凍？香港上門雪櫃維修專家

燈著只代表通電正常，製冷卻要壓縮機、雪種、風扇與溶雪系統環環相扣。駿弘電器維修專處理家用及商用雪櫃「有燈唔凍」「上格凍下格唔凍」「凍格結冰但冷藏唔凍」等故障：即場檢測、先報價後維修、換件書面保養，觀塘設工坊可送修。

✔ 持商業登記・正規經營✔ 香港工程師學會(HKIE)會員✔ 家電全能維修工程師(高級)✔ 十八區上門・商用家用皆接✔ YouTube 1,100+ 條真實維修片

一、症狀對照表：燈著唔凍，壞喺邊？

以下對照表整理自我們日常上門最常見嘅個案。先對號入座，致電時講俾師傅聽，可以幫你慳返唔少診斷時間。

故障現象	最常見原因	維修難度	駿弘建議
有燈著、壓縮機完全冇聲	起動繼電器(PTC)／起動電容燒毀、壓縮機接線鬆脫	★★☆☆☆	多數即場換繼電器／電容可解決，唔使換成部機
有燈著、壓縮機響但全櫃唔凍	漏雪種（銅管銹穿／焊點裂）、冰堵、壓縮機閥片磨損	★★★★☆	必須打壓測漏→補焊→抽真空→加雪種，唔好淨係「加雪種」
上格凍、下格唔凍（風冷雪櫃）	蒸發器風扇壞、溶雪發熱管／溶雪計時器／雙金屬壞致冰封風道	★★★☆☆	先斷電溶雪24小時試機；復發即係溶雪系統故障，要換件
下格凍、上格唔凍	風道擋板(風門)卡死、循環風扇唔轉、冷氣分配失衡	★★★☆☆	檢查風門與風扇；長期唔理會燒埋壓縮機
凍格結厚冰、冷藏格反而唔凍	溶雪系統失效，冰層塞死風道；門膠邊漏氣致結冰	★★★☆☆	換溶雪件＋檢查門膠邊，一次過處理免翻工
雙門雪櫃一邊凍一邊唔凍	雙系統其中一邊漏雪種、或該邊風扇／風門故障	★★★★☆	要分部測漏，商用雙門櫃建議即場報價即修
顯示溫度正常但實際唔凍	NTC感溫探頭阻值漂移、電腦主板誤判	★★★☆☆	用溫度計實測對比；探頭平嘢，主板可修唔使換新
一着機就跳掣／漏電開關跳	壓縮機繞組短路、發熱管或線路漏電	★★★★★	即時停用並拔插頭！漏電關乎人身安全，切勿再試

⚠️ 安全提示：雪櫃漏電、機身帶電麻手、或聞到燒焦味，請即時斷電並聯絡我們。商業雪櫃儲存貨值高，「上凍下唔凍」往往喺貨品變質前已有徵兆（冷氣聲變細、結冰位置改變），早一日檢查可以救返成櫃貨。

以下四步安全、唔拆機，可以幫你排除「假故障」，亦可以喺電話裏向師傅準確描述病情。

貼近機底聽：壓縮機有「嗡嗡」運轉聲但唔凍，傾向漏雪種或冰堵；每隔幾秒「嗒」一聲卻起動不到，多係起動繼電器／電容；完全無聲而燈著，則查電源與主板保險。

摸雪櫃背／側身散熱位有否微暖；打開凍格睇蒸發器係「均勻薄霜」定「局部厚冰」。局部厚冰而風道塞死，正正係上凍下唔凍嘅典型元兇。

用一張紙幣夾喺門縫關門，輕易抽出具代表門膠邊老化漏冷氣；同時睇凍格風口有冇被貨品或冰層擋死，風冷雪櫃冇風出即風扇或溶雪系統出問題。

拔插頭、打開門靜置24小時讓冰全溶，抹乾後再着機試8–12小時。若恢複正常但數日內復發，就係溶雪系統壞咗，需要換件而非繼續「溶雪維命」。

❌ 唔好自行「加雪種」：封閉管路正常係終身不漏，缺雪種必然有漏點。唔測漏就灌氣，等於掩耳盜鈴，幾星期後照樣唔凍，仲可能凍親手或損壞壓縮機。

我哋堅持「先檢查、先報價、你點頭先動手」，絕無隱藏收費。以下為香港市場常見收費範圍與我哋嘅做法對照，實際以現場檢測報價單為準。

維修項目	涉及問題	市場參考收費	駿弘做法
上門檢查／出車診斷	拆機檢測、量電壓、測漏點	HK$300 – HK$500	確認維修即豁免／扣減檢查費
觀塘工坊送修檢查	自攜到工坊檢測報價	HK$200 起	錄影報價，確認先動手
起動繼電器／電容	壓縮機「嗒嗒」聲起動不到	HK$600 – HK$900	即場更換，約1小時內
蒸發器／循環風扇	上凍下唔凍、風口無風	HK$500 – HK$950	換靜音風扇並清風道
溶雪發熱管／計時器／雙金屬	凍格結冰塞風道	HK$550 – HK$1,000	成套檢查，免短期復發
感溫探頭／恆溫器	顯示溫度與實際不符	HK$450 – HK$850	即場更換並實測校驗
電腦主板修理／更換	唔着機、跳掣、按鍵失靈	HK$750 – HK$1,600	優先元件級維修，慳約三成
漏雪種：測漏＋補焊＋抽真空＋加雪種	壓縮機響但全櫃唔凍	HK$900 – HK$1,850	全套工序，唔做淨加氣
更換壓縮機（機膽）	繞組短路、抱死、燒機頭	HK$2,000 – HK$3,800	連乾燥過濾器、氮氣測漏、抽真空
門膠邊訂造更換	門邊漏水、結冰、漏冷氣	HK$400 – HK$800	度尺訂造，各種形狀皆可